Байқау

Шығармашылық топ жетекшісі Н.А.Құмарханқызының ұйымдастыруымен 14 наурыз күні мұғалімдер арасында мектепшілік "Жыл мұғалімі" және "Үздік педагог -2022" байқауы өтті.

Байқаудың мақсаты: Шығармашылықпен жұмыс істейтін ой өрісі кең, өзінің авторлық жаңашыл идеясы бар, ғылыми әдістемелік шеберлігі жоғары, жан-жақты дамыған мұғалім мәртебесін көтеретін ерекше тұлғаны анықтау.

Байқаудың міндеті: мұғалімдерді өз кәсіби құзырлықтарын жетілдіруге ынталандыру, озық педагогикалық іс-тәжірибелерді насихаттау, тарату және аудандық кезеңге іріктеу болып табылады.  

Байқауға әр бірлестіктен екі мұғалімнен қатысты. Әр кезең бойынша берілген тапсырмаларын таныстырып шықты. Байқау қорытындысы бойынша,  "Үздік педагог -2022" химия пәні мұғалімі - Исахова Гулнар жеңіске жетсе, "Жыл мұғалімі" биология пәні мұғалімі- Жумадил Бубихан аудандық кезеңге жолдама алып, марапатталды.